العصمه في ايدها
دايما بنسمع الكلمه دى لما نشوف راجل مراته متحكمه فيه وبتزله
وده طبعا
لأننا عندنا فكره غلط عن الموضوع ده
معظم الناس فاكره انه علشان العصمه في ايدها يبقى هيا اللى ممكن تطلق نفسها منه
اما هو مش ممكن
وساعات مش بنقول حقها تطلق نفسها منه ، دا احنا بنقول " حقها انها تطلقه "
زى الفيلم اياه بتاع عادل امام
وده فكر خاطئ علي طول الخط
لأن الطلاق حق للراجل ويمكنه ان يفوض المرأه في ان تطلق نفسها منه في اي وقت تشاء
والتفويض لا يلغى حق الاصيل في اتخاذ الاجراء القانونى
بمعنى انى لو فوضت اخويا انه يسحب جزء من فلوسى من البريد مثلا
هل ده معناه انى مش ممكن انى اسحبهم بنفسى.......لأ طبعا لأن ده حقي
وطبعا بناءا علي الفكرة الغلط دى المفروض انى افضل اتحايل علي مراتى
والنبي تطلقينى ....علشان خاطرى ....طب طلقينى وانا هديكى كل اللى حيلتى .....وهيا تقف ومناخيرها في السما وتقولى ....انا هسيبك زى البيت الوقف كده .
هههه
والله دى كانت تبقي حاجه تهلك من الضحك .. مسرحيه هزليه
الرأى القانونى الصحيح بيقول ان الطلاق حق الطلاق حق للرجل وهذا لا يمنع ان يقوم بعمل تفويض للزوجه ان تطلق نفسها متى شاءت ....
يبقي الكلمه الصح ان احنا نقول " فلانه طلقت نفسها من جوزها مش نقول فلانه طلقت جوزها "
وبعدين احنا لو بصينا للموضوع بشكل محايد نجد ان المرأه بشكل عام مندفعه وعاطفيه جدا وده احيانا بيعمل تشويش علي اتخاذ القرار عندها يعنى ممكن في وقت معين نتيجة مشاده بسيطه مع الزوج تطلق نفسها منه وبعدين تفضل تندم طول عمرها
وبعدين عدم وجود حق للمرأه في الطلاق مش معناه انها ضعيفه
بالعكس كلنا عارفين ان المرأه لها سلطان علي الرجل بحكم الفطره
وبعدين فيه مثل كنت قرأته احب انى اختم بيه كلامى
" الراجل كائن قوى وجاذبيته تاتى من قوته ، والمراه كائن ضعيف وجمالها سره ضعفها "
وكمان اهل زمان قالو " سر قوة المرأه ضعفها "
ِ[/size][/size]