حياتى بلا اغانى

حياتى بلا اغانى
أغانى .. أغانى .. أغاني .. أغاني
أغاني ياباشا ... أغاني يا أستاذة ... أغاني ياعم الحج ... أغاني يابني
تعالى واسمع ... أغاني ببلاش
بقولك ببلاش ... مفيش حد هيدفعك حاجة

أغانى فى الشارع .. أغانى فى العربية.. اغانى فى الجامعة .. والميكروباصات
حتى في غرفة نومك بتوصلك الأغاني سواء بمزاجك ولا غصب عنك
وكمان فى كل المناسبات أغاني
و لكل مناسبة أغنية
وأنت زعلان ليك أغنية .. وأنت فرحان ليك أغنية .. لما تنجح ليك أغنية
لما تتجوز بردوا ليك أغنية
الأغاني في كل مكان
وفي كل المناسبات

وصدق فينا قول رسول الله صلى الله عليه وسلم
أمة آخر الزمان
قال صلى الله عليه وسلم : " سيكون في آخر الزمان خسف وقذف ومسخٌ " . قيل : متى ذلك يا رسول الله ؟ قال :" إذا ظهرَت المعازف والقَيناتُ " رواه ابن ماجة والطبراني

(لَيَكُونَنَّ مِنْ أُمَّتِي أَقْوَامٌ يَسْتَحِلُّونَ الْحِرَ وَالْحَرِيرَ وَالْخَمْرَ وَالْمَعَازِفَ ) "صحيح البخارى"
معنى كده انها حرام وهيجى زمن الناس هتستحل الغناء
وفى زماننا ده
أبيح الغناء وعلا وعلا وقوي صوته
ظهرت الأغاني فى كل مكان
..انتشرت ..
لالالالالالالا
طغيت فى الظهور
وبقينا من أمة آخر الزمن
وإنت السبب
لإنك لسه بتسمع اغانى ؟؟؟

انت لسه بتسمع اغانى ؟؟؟
بضيع نفسك في لهو الحديث
قال تعالى: { ومن الناس من يشتري لهو الحديث ليضل عن سبيل الله بغير علم ويتخذها هزوا أولئك لهم عذاب مهين } [سورة لقمان: 6]
سُأل ابن مسعود عن قوله تعالى: { ومن الناس من يشتري لهو الحديث } ، فقال: والله الذي لا إله غيره هو الغــناء - يرددها ثلاث مرات -
يعني إنت بضيع نفسك على الفاضي في لهو

بتسمع أغاني لحد الأن
يبقى فيك الصفتين اللي فاتوا
من أمة آخر الزمان
وكمان بتسمع كلام فاضي " لهو الحديث "
ولسه صفات كتييير
قال ابن مسعود الغناء ينبت النفاق في القلب .
وزاد عليك كمان إنك هتبقى مناااافق


انت لسه بتسمع اغانى ؟؟؟
بعد كل الصفااات دي
لسه مصر انك تعصى ربنا
لسه مش عايز تتعظ والشباب بتموت على سوء الخاتمة بسبب الاغانى
لو لسه مش مقتنع كمل الموضوع

أبنااااء لا إله إلا الله يموتون على غير لا إله إلا الله

تحب تموت كده ؟؟
تحب تقابل ربك وإنت بتغني
وتبعث وأنت بتغني
ياااااااااااااه ياترى ربك ساعتها هيعمل معاك ايه
هيكون حسابك إزاي
فكر وأحسبها تحب تموت إزاي
على العيون السود
ولا على لا إله إلا الله

هتقولى انا بسمع الأغاني تفاريح بس مش اكتر
لكن مش بتاثر فيها زى ما إنت فاكر
بتسمعها تفاااريح
الواحد لما بيقعد يسمع حاجة كتييير ببيتعلق بيها
وبيرددها بدون وعي منه
وإنت بتسمع كلام حرام ... وبتردد كلام حرررام
والله أعلم لو أتى لك ملك الموت هتقول أيه
أكييييد هتقول اللي اتعودت تسمعه
هتقول اللي لسانك اتعود يردده

وبعدين من قال انك مش بتتاثر بالاغانى
أبن مسعود رضى الله عنه
بيقول
"الغناء ينبت النفاق فى القلب كما ينبت الماء العشب"
يعنى انت بتتاثر بيها وبتاثر فى قلبك وبتنبت فى قلبك النفاق وإنت مش حاسس
شوفت بقى الاغانى عملت إيه فى قلبك وانت غافل
شفت انك لو استمريت كده والعياذ بالله تبقى من المنافقين وقلبك يموت
هل تحب تموت قلبك بايدك

هتقولى متفتكرش إنى بعيد عن ربنا أنا برضه بقرا قرآن وعارف ربنا
هقولك كلام ابن القيم رحمه الله
حب القرآن وحب الغناء فى قلب العبد ليس يجتمعان
ولو فعلا القرآن أثر فى قلبك لأزال من القلب الغناء
إسال نفسك السؤال ده
أنا ممكن اقعد ساعات اسمع اغانى
لكن فى الوقت نفسه صعب أوى على نفسى
أقعد نص ساعة بس أتدبر ايات الرحمن
ايه السبب ؟؟
اقولك ايه السبب
قال تعالى
( وزين لهم الشيطان أعمالهم )
الشيطان شغال كويس معاك
يزين الحرام ..ويحليه فى عينك ..ويخليك تستمتع باللى حرمه ربنا
ده سر حبك للاغانى
فوالله هذا خداع من عدوكم
فوالله الاغانى تضيق الصدر وهى سبب رئيسى فى الملل والزهق والهم
وحياة ضنك
لأنها إعراض عن ذكر الله ..
فقد قال الله (( وَمَنْ أَعْرَضَ عَن ذِكْرِي فَإِنَّ لَهُ مَعِيشَةً ضَنكاً وَنَحْشُرُهُ يَوْمَ الْقِيَامَةِ أَعْمَى )) .
الأغاني حقيقتها أنها حسرة وألم وإن كانت هناك نشوة فإنها نشوة مزيفة من فعل الشيطان ....
وبعدين هتزول النشوة والمتعة الزائفة وهيبقى الذنب فى صحيفة الاعمال

عارف انك بتجاهر ربنا بالمعاصى
والرسول قال قال النبي صلى الله عليه وسلم
(( كل أمتي معافى إلا المجاهرين ))
والاغانى بقيت منتشرة أوى والكل بيسمعها فى كل مكان
وساعات بنعلي صوتها على الآخر
و مش حاسين إننا بنعصي ربنا

وبعدين الفلوس اللى بتشترى بيها شرايط فنانك المفضل هتتحاسب عليها
وعلى وقتك اللى بتقضيه فى السماع
للدرجة دى الاغانى بتخدر وتذهب العقل ؟؟!
اقف كده مع نفسك وتخيل ان ملك الموت جاى يقبض روحك
يا ترى تحب يقبض روحك وإنت بتسمع اغانى ...
ولا وإنت بتسمع قرآن
حكم عقلك ومتضيعش نفسك
نجاتك فى سماعك لكلام الرحمن
مش فى مزمار الشيطان

طلب أخير:: ياجماعة بالله عليكم الموضوع ده مش علشان تقولولي

ولكن علشان بجد نقف وقفة رجالة مع بعض ونعاهد بعض اننا مش هنسمع اغاني تاني

ووالله العظيم شوف حياتك هتتغير ازاي وصلاتك هتبقي عاملة ازاي

قول للشيطان لا

مش هسمع حاجة بتغضب ربي

وبعدين فيها ايه لما نصبـــــــــــــر علشان الجنـــــــــة

وللا احنا مستغنيين عن الجنة

بلاش نضحك علي نفسنا ونقول من بكرة أو بعده

خليك راجل بجد وخد قرارك من دلوقتي

وعاهد ربك انك خلاص هتتوب ليه

وشوف ربنا هيفتح عليك قد ايه وهيكرمك ازاي

يارب اهدينا أجمعين ووفقنا لما تحب وترضي

واجمعنا في الفردوس الاعلي
منقول

جزاك الله خيرا يا شيخ عبدالعظيم