الصالون الأدبي
من طرف علاء الدين العطار 9/6/2010, 3:12 pmألفين وحسرة -
للشاعر : خميــــس عز العرب
ألفين و عشره سنه .. عسكر و خيل عدوا
و الواد خلاص انحنى و اتبرى من جده
فوَال بياكل بيـينز .. و بنطلونه الجيـينز
ساقط على قده
جاهز لأى ماريينز ..لو عجبه هيشده
ألفين و حسره سنه يا بلاد مهيش بلدى
العيش مفيش غير حاف و السمنه مش بلدى
إحنا اللى كانوا العرب بيحجوا لجمَالنا
كنا السادات ف الأمم و العز راسمالنا
صبحنا مالنا راس و الدنيا راسمه لنا
قرنين و ديل و لجام
و معاهده بيـيس و سلام
وسور ورا و قدام
لو تقدروا هِـدوا
ألفين و حسره سنه و المصرى افندى خلاص
حلق شنابه و قلع طربوشه من ع الراس
على بابه واقف حرس ..على حرمته عرّاص
إبكوا على تربته مهو حى لكن مات
و الساده شربوا الساده على روحه والحكومات
كالعاده باعوا الكفن..من قبل ما يندفن و قسموه لميراث
ألفين و كسره سنه و عنيا معميه
أخلع بإيدى القيد..فى الرجل ازيد ميه
حتى ف يوم العيد إبنى ماليه عيديه
و نيلى كان بيفيض قالوا نقطع الميه
حتى غنايا عديد و إذاعتى حصريه
قولوا لى هل من مزيد و جحيمى مصريه؟
ألفين و فشره سنه ف وسائل الإعلام
بكره الوريث ينتصر و حنرفع الأعلام
كل السخام و الفساد و السرقه و التهليب
على إيده راح ينتهوا ده حبيب و إبن حبيب
و كمان ده مش عسكرى ده ببنطلون و قميص
ولا محسوبيه بقى ولا رتبه ولا تعريص
و مش عجوز لا .. ده صبى و نبيه بيفهم مش غبى
بس انت صلى ع النبى و اخزى الشيطان الأجنبى و
متزعلوش
ده برضه يا ابنى نعرفه و احسن من اللى ما نعرفوش
ثم بقى شبعان و قابض .. تلاتين سنه يا ابو قلب نابض
وهو هات يا بزنسه .. يعنى انتخب يا هندسه ده باباه تاريخ
قول انت آه وف بطن أهلك فدانين بطيخ
و بكره نوصل للفضا و نعمر المريخ
و نعيشها فل و بغدده .. قضا و أخف من قضا
أقولك إيه إشمعنى سوريا .. بشار هناك حالق كابوريا و ميه ميه
إشمعنى إنت بديك أبوك عامل قضيه
إمضى بقى وليك الحلاه
حاديك علاوه يا حموقه
و حارخص الدُقه و كل شهر اديك سميطه
إمضى بقى يا ابن العبيطه لا ينفخوك و مش لطيفه
ح يطلعوك على المعاش من قبل ما تستلم الوظيفة
و الباب لو ييجى منه ريح تجرى تسده
ألفين و نشره و الهنا و اللهى ما هتعرف تعده
مشروعاتك إنشائاتك و انت و الهانم مراتك جمبرى تتغدوا
يعنى السيجاره هتتعدل ع العلبه و طريقك يستقيم
إمضى بقى ماتبقاش غشيم ده رئيس عظيم
و الأمريكان راضيين عليه و ما تقولش ليه
دى سياسه عليا و السؤال ما اعرفش رده
ألفين و قهره سنه و شبابى بالملايين
غربه و حيره و ضنا ف كل البلاد ضايعين
لافــّينها من غربها لجنوب شمال الشرق
بيموتوا يا ولداه بين الغرق و الحرق
و انا اللى كاتب بقلمى نعيهم مربوط
أنا اللى كاتم ألمى كان لى أمل محبوط
محطوط ف خانة يك خانة سك لما اتبك الدم من جرحى
لازم أخون فأكون أو يدبحوا فرحى و يقطعوا لسانى
ياخدونى من حضن العيال بالليل لحضن سجانى
و ان جانى زاير بلقمة عيش يقولوا مفيش
هو احنا فيه عندنا أحرار تقول و تعيش ؟!
تف من بقك و غور
روَّح و طفـّى النور لتصيبك الغاره
جتكوا البلاوى مليتوا الوادى يا خساره
إيه الأماره يا واد على إنكم عايشين و ليكم حق ؟
كان إمتى ثورتوا ف وش الغول و قولتم لأ؟
طول ما العصايا معايا بتعششوا ف الشق
سبتونى ليه أأمن مركزى و أتف ع الدستور
ما انتوا اللى قولتوا عاش الندل متبغدد و مات مستور
إبعد و غور يا ابنى و بطل لعب
و لما تكبر تبقى شعب تعالى و حرر المساجين
ساعتها حتى مش حتلاقى فيه زنازين
ولا طفل تحت الكوبرى قلبه حزين وجوعه ف الشتا هده
ألفين و نصره سنه ف ساعتها هيعدوا
زى الثوانى و انا و فرعون و العسكر
لا نمز و لا نسكر بفقر و هم
ولا نلحس السكر و انتوا ف مراره و غم
ألفين و نصره سنه هيمدوا لو تهتم
ييجوا بخطاوى مخضره و منوره و مطوره خبر ايه يا عم
هو فيه حريه من غير دم
مستنى مين يا ابن الفقارى الحزنانين الطفحانين الطين ؟
أحمس ؟ صلاح الدين ؟
تهتف له تانى يا جمال يا حبيب الملايين
إسقى الغلابه العطشانين حلمك ف بيبرونه
إنت و ربك قاتلا و تعالوا هنونا
مستنى إيه يا ولا يا رقيع يا إبن ال****
النصر من حق اللى ماتوا فرحانين بالحرب
و الحر ما ينامشى و خدوده وارمانين م الضرب
و الغرب راكب حدوده و طالبه منه القرب
حكومه بومه وملومه بكل شر و ذنب
ألفين و حشره بقى فعصوها و اتمدوا
و الواد خلاص اتحنى و اتبرى من جده
للشاعر : خميــــس عز العرب
ألفين و عشره سنه .. عسكر و خيل عدوا
و الواد خلاص انحنى و اتبرى من جده
فوَال بياكل بيـينز .. و بنطلونه الجيـينز
ساقط على قده
جاهز لأى ماريينز ..لو عجبه هيشده
ألفين و حسره سنه يا بلاد مهيش بلدى
العيش مفيش غير حاف و السمنه مش بلدى
إحنا اللى كانوا العرب بيحجوا لجمَالنا
كنا السادات ف الأمم و العز راسمالنا
صبحنا مالنا راس و الدنيا راسمه لنا
قرنين و ديل و لجام
و معاهده بيـيس و سلام
وسور ورا و قدام
لو تقدروا هِـدوا
ألفين و حسره سنه و المصرى افندى خلاص
حلق شنابه و قلع طربوشه من ع الراس
على بابه واقف حرس ..على حرمته عرّاص
إبكوا على تربته مهو حى لكن مات
و الساده شربوا الساده على روحه والحكومات
كالعاده باعوا الكفن..من قبل ما يندفن و قسموه لميراث
ألفين و كسره سنه و عنيا معميه
أخلع بإيدى القيد..فى الرجل ازيد ميه
حتى ف يوم العيد إبنى ماليه عيديه
و نيلى كان بيفيض قالوا نقطع الميه
حتى غنايا عديد و إذاعتى حصريه
قولوا لى هل من مزيد و جحيمى مصريه؟
ألفين و فشره سنه ف وسائل الإعلام
بكره الوريث ينتصر و حنرفع الأعلام
كل السخام و الفساد و السرقه و التهليب
على إيده راح ينتهوا ده حبيب و إبن حبيب
و كمان ده مش عسكرى ده ببنطلون و قميص
ولا محسوبيه بقى ولا رتبه ولا تعريص
و مش عجوز لا .. ده صبى و نبيه بيفهم مش غبى
بس انت صلى ع النبى و اخزى الشيطان الأجنبى و
متزعلوش
ده برضه يا ابنى نعرفه و احسن من اللى ما نعرفوش
ثم بقى شبعان و قابض .. تلاتين سنه يا ابو قلب نابض
وهو هات يا بزنسه .. يعنى انتخب يا هندسه ده باباه تاريخ
قول انت آه وف بطن أهلك فدانين بطيخ
و بكره نوصل للفضا و نعمر المريخ
و نعيشها فل و بغدده .. قضا و أخف من قضا
أقولك إيه إشمعنى سوريا .. بشار هناك حالق كابوريا و ميه ميه
إشمعنى إنت بديك أبوك عامل قضيه
إمضى بقى وليك الحلاه
حاديك علاوه يا حموقه
و حارخص الدُقه و كل شهر اديك سميطه
إمضى بقى يا ابن العبيطه لا ينفخوك و مش لطيفه
ح يطلعوك على المعاش من قبل ما تستلم الوظيفة
و الباب لو ييجى منه ريح تجرى تسده
ألفين و نشره و الهنا و اللهى ما هتعرف تعده
مشروعاتك إنشائاتك و انت و الهانم مراتك جمبرى تتغدوا
يعنى السيجاره هتتعدل ع العلبه و طريقك يستقيم
إمضى بقى ماتبقاش غشيم ده رئيس عظيم
و الأمريكان راضيين عليه و ما تقولش ليه
دى سياسه عليا و السؤال ما اعرفش رده
ألفين و قهره سنه و شبابى بالملايين
غربه و حيره و ضنا ف كل البلاد ضايعين
لافــّينها من غربها لجنوب شمال الشرق
بيموتوا يا ولداه بين الغرق و الحرق
و انا اللى كاتب بقلمى نعيهم مربوط
أنا اللى كاتم ألمى كان لى أمل محبوط
محطوط ف خانة يك خانة سك لما اتبك الدم من جرحى
لازم أخون فأكون أو يدبحوا فرحى و يقطعوا لسانى
ياخدونى من حضن العيال بالليل لحضن سجانى
و ان جانى زاير بلقمة عيش يقولوا مفيش
هو احنا فيه عندنا أحرار تقول و تعيش ؟!
تف من بقك و غور
روَّح و طفـّى النور لتصيبك الغاره
جتكوا البلاوى مليتوا الوادى يا خساره
إيه الأماره يا واد على إنكم عايشين و ليكم حق ؟
كان إمتى ثورتوا ف وش الغول و قولتم لأ؟
طول ما العصايا معايا بتعششوا ف الشق
سبتونى ليه أأمن مركزى و أتف ع الدستور
ما انتوا اللى قولتوا عاش الندل متبغدد و مات مستور
إبعد و غور يا ابنى و بطل لعب
و لما تكبر تبقى شعب تعالى و حرر المساجين
ساعتها حتى مش حتلاقى فيه زنازين
ولا طفل تحت الكوبرى قلبه حزين وجوعه ف الشتا هده
ألفين و نصره سنه ف ساعتها هيعدوا
زى الثوانى و انا و فرعون و العسكر
لا نمز و لا نسكر بفقر و هم
ولا نلحس السكر و انتوا ف مراره و غم
ألفين و نصره سنه هيمدوا لو تهتم
ييجوا بخطاوى مخضره و منوره و مطوره خبر ايه يا عم
هو فيه حريه من غير دم
مستنى مين يا ابن الفقارى الحزنانين الطفحانين الطين ؟
أحمس ؟ صلاح الدين ؟
تهتف له تانى يا جمال يا حبيب الملايين
إسقى الغلابه العطشانين حلمك ف بيبرونه
إنت و ربك قاتلا و تعالوا هنونا
مستنى إيه يا ولا يا رقيع يا إبن ال****
النصر من حق اللى ماتوا فرحانين بالحرب
و الحر ما ينامشى و خدوده وارمانين م الضرب
و الغرب راكب حدوده و طالبه منه القرب
حكومه بومه وملومه بكل شر و ذنب
ألفين و حشره بقى فعصوها و اتمدوا
و الواد خلاص اتحنى و اتبرى من جده
