جاءنا البيان التالى

جاءنا البيان التالى (استرها ع
الرجالة)


تعرض بالامس العضو مصطفى
الجندى لحدثة فظيعة اثناء عودة متأخرا من مزرعتة بكياد بالتحديد ع طريق امياى-
كياد الزراعى فى تمام الساعة2 صباحا .......   


 واليكم التفاصيل


بعد ان انتهى مصطفى من سهرته
(ااااااه من الكيف)فى المزرعة مع اصدقاء السوء طبعااا وفى طريقه الي البيت
بالموتوسيكل البجاج (بجاج 100 وعليه أقساط) تعرض لعملية سرقة بالاكراه فى
الطريق من قبل قاطع طريق (وربنا الراجل ده برنس علم ع مصطفى ههه ههه ) وطبعا
مصطفى استسلم نهائيا ولم يفكر فى المقاومه(جبان من يومك  يا خسارة افلام الاكشن اللى كنا بنتفرج
عليها)وبالرغم من الاضراض المادية التى تعرض لها مصطفى الا انا هذا اللص ترك داخل
مصطفى جرح نفسى كبير فقد اخذ منه اعز ما يملك (جدر البطاطة كان السبب يا ضناية) بعد
ان تملك هذا اللص من مصطفى ووجد مصطفى مستسلما له اخذ منه...............


موبايل ( ان 73  )  صينى
طبعااا وبرضه عليه اقساط


الموتوسيكل البجاج                


ساعة كاسيو بجرس( مش صينى.....
مشتريها من نفق شبرا طبعاااا)  


والمؤسف جدا ان مصطفى تعرض
ايضا لاضراض جسدية بالضرب العنيف فى أماكن حساسة فى وجهه وظهره واماكن أخرى و
ماخفى كان أعظم واعتقد انها هذا اللص ترك بعض العلامات فى وجه مصطفى باستخدام
مطوته ...  وما زلنا فى انتظار تقرير
الطبيب الشرعى.


تابعونااااااااااااااااااااااااااا
فى الحلقات القادمه


 


 


      

اعتقد انكوا كده شديتوا على بعض يا جماعة

وبلاش قفش بعض دى

كنت ممكن تعملها يا سانو بدون ذكر اسم مصطفى او ذكر اسم حد تانى

...................
بس الكلام دا بجد ولا لماضة


متابع

على فكرة مفيش ولا كلمة صح سانو دا مصطفى الجندى معلم على كياد كلها.


وبعدين مصطفى الجندى يشترى موتوسيكل بالقسط صعب دى اوى.


وبعدين مصطفى بيتكيف فى كياد صعب جدا جدا ياسانو دا دا معرفشى الا البيت والجنينة ومنتدى شباب امياى غيره انه قاموس لغة انجليزية واخيرا جروبه ومعرفاه الكثيرة المحترمين جدا .

حرام عليك او سانو انت لاما بتحلم لاما دا اشاعة ياصحبى لاما واحد غير مصطفى الى اتعمل فيه كده.



الدليل على عدم صدقه موتوسيكل بجاج 100.


وكمان مصطفى الجندى جبان دا اشجع انسان قبلته فى حياى يظهر الحق ويخفق الباطل.




صدقونى ياجماعة مصطفى الجندى ليس لديه اى اعضاء



كل الناس بتحبه وحضرتا اول محبينه دا بعد اذن الجميع واشد اعجابا بشخصيته .



ربنا يوفق يا مصطفى وتحقق تسعد الجميع وانا عارف انك قد المسئولية دى .

يا جماعة عايزين نتأكد من صحة الخبر المنيل بنيلة لحسن يطير فيها رقاب ورشاش المعلم شعبان الجندى يشتغل وتبقى وقعة مهببة بهباب ملحوظة لم تنوه أى وكالة أنباء عالمية عن هذا الخبر نرجو الإفادة

فى الحلقة القادمة سيكون معنا شاهد عيان يحكى لنا التفاصيل من خلال رؤيته للحاث

لا انا هذا اللص ترك داخل
مصطفى جرح نفسى كبير فقد اخذ منه اعز ما يملك (جدر البطاطة كان السبب يا ضناية) بعد
ان تملك هذا اللص من مصطفى ووجد مصطفى مستسلما له اخذ منه...............

ممكن نعرف اعز مايملك ايه ياريت ياسانو توضح للاعضاء

ممكن نعرف اعز مايملك ايه ياريت ياسانو توضح للاعضاء

هقولك يا معلم اخدوا منه جلبيته ماركة نايك كانت مشتريها عشان العيد من سيتى ستارز
وطبعا الموبيل الصينى...هو ده اعز ما يملكه مصطفى الجندى

ايه ياسانو اخبار الطبيب الشرعى ايه ياباشا والينا بالاخبار

يا جماعة عايزين نتأكد من صحة الخبر المنيل بنيلة لحسن يطير فيها رقاب
ورشاش المعلم شعبان الجندى يشتغل وتبقى وقعة مهببة بهباب ملحوظة لم تنوه
أى وكالة أنباء عالمية عن هذا الخبر نرجو الإفادة

همسه في اذن الاستاذ مصباح

فاكر الفرح اللي كونا فيه مع بعض

اظن فكرهه كويس بس عادي لا تصدق المغرضين واظن انك تعرفني كويس ماليش في كده

صابر ...معلم سنوسي

تذكروا دائما

من كان بيته من زجاج..فلايقذف الناس بالحجاره

نحن في زمان يهان فيه الشرفاء

ولا تزعل نفسك يامستر مصطفى احنا عارفين اعداء النجاح كتير
بس سؤال للى كاتب التوبيك
انت عرفت منين؟
هو انت اللى كنت ......... واللا اللى متفق معاه
شغل مباحث بقى

الي الاخ سنوسي وصابر المغرضين والمشككين في احترام الاستاذ مصطفي واللي هما عارفينه كويس اوي طبعا ( كل دي اشاعات) علي راي اغنية الفنانة سميرة سعيد والموتسيكل الباج اللي انت بتقول عليه اقساط اول موتسيكل بجاج نزل البلد وكله بيتوحم عليه فليمضي الاستاذ مصطفي في طريقه ونجاحه واحترامه امام الجميع والكل يشهد بذلك اولهم سنوسي وصابر فلولا مصطفي مكنتوش بعتوا القفاص بتعتكم عشان بيبيعوا فيها البرتقال يعني ليه فضل عليكوا ولا نسيتم وزي ما قال مصطفي ( اللي بيته من زجاج لا يرمي الناس بالطوب )
( لا تاسفن علي غدر الزمان لطالما رقصت علي جثث الاسود كلاب ولا تحسبن برقصها تعلو علي اسيادها تبقي الاسود اسود والكلاب كلاب )
و ..........
اخوكم المخلص
احمد جلال
دائما مع المظلومين
ونترك اعداء النجاح يفعلو ما يفعلوه

انت عرفت منين؟
هو انت اللى كنت ......... واللا اللى متفق معاه
شغل مباحث بقى

نشكر المفتش كرومبو علي المجهود الرائع

احمد جلال كتب:

انت عرفت منين؟
هو انت اللى كنت ......... واللا اللى متفق معاه
شغل مباحث بقى

نشكر المفتش كرومبو علي المجهود الرائع

ههه
شكر غير مقبول

أ/ مصباح السيد برعى كتب:يا جماعة عايزين نتأكد من صحة الخبر المنيل بنيلة لحسن يطير فيها رقاب
ورشاش المعلم شعبان الجندى يشتغل وتبقى وقعة مهببة بهباب ملحوظة لم تنوه
أى وكالة أنباء عالمية عن هذا الخبر نرجو الإفادة

خلاص يا استاذنا سبلنا الحكاية دى

ان شاء الله جارى البحث ف كل محركات الحث والمواقع المعروفة والغير معروفة للتأكد من الخبر

Eng.sanoo كتب:فى الحلقة القادمة سيكون معنا شاهد عيان يحكى لنا التفاصيل من خلال رؤيته للحاث

انا عارف انا الشاهد العيان دا .. أكيد عنده برد ... وبرد مزمن كمان
اللهم احفظنا


_________________
البقين دول بقى الشيخ بردوو ياسين اللى قايلك عليهم ولا اتعلمتهم لوحدك

مصطفى الجندى كتب:طبيعي جدا اي انسان ناجح يكون ليه اعداء وانسان بلا
اعداء انسان بلا قيمه
مع احترامى ليك وليكن ما يكون
وايه علاقة دا بحضرتك

وانا اقول لهم ( إذا طعنك أحد من الخلف , فاعلم أنك في المقدمة )
ه
مش فى كل الأحوال
انا اقول للذين يريدون سحبي للاسفل عندما اتطلع للاعالي
انهم لايتساوون معي

فهم لايتحملون المنافسه ولا يعرفونها
ولا يقدرون عليها ومن هنا اقول لهم

( أنا ماضٍ في طريقي رغم أنوفكم ) انا اقول
لهم ان


الذين هم لا يشكروني , على أي خير افعله معهم ولم يذكروني به , ولم يحفظوه
لي , لأني ببساطة صاحب فضل عليهم ,فا قول لهم
(
فرحي بفضل الله وتوفيقه فقط )
انا
باعتراف الجميع شجره مثمره


حلوة شجرة دى يا جندى ... ومثمرة كمان
طب اللى جبلك يخليلك يا عم

فمن
السهل ان اجد من يقذفني
ياعم الناس عندنا بتحدف اى حد اليومين دول
مش المثمر بس
المهم تكون مستوى يا كبيير .. مش أخضر كلخ زى ما بيقولوا

انا
اقول للاخ سنوسي والاخ صابر

سمعنا يا عم .... ياك يطلع صوت حلو بس

ساقاتلكم
بالحب

يا سلاااااااااااااااااااااام
وجون وجون وجون وجون
مش بقول " مصطفى منير يا أخواتى "

لا شئ
كالحب , إن توفر توفرت كل الأشياء , فمن لا يتبع الحب ليس له نجاح أو قيمة في
الحياة , وإن هابه الناس أو احترموه !!

كل
ذلك اعضاؤنا الكرام كذب وافتراءات من شانها التقليل من مصداقيتي معكم

ياعم ماحدش يقدر يقلل من حضرتك مهما كان
هو القصير حد بيقصره تانى
ماهو قصير خلقة ( اللهم اعتراض يعنى )
وان
شاء الله انتظروني قريبا في الكشف عن منابع الفساد في القريه

منتظريين ياعم
شكلك ناوى تفضح الدنيا وتفضح نفسك وتفضحنا معاك

المخلص دائما
مصطفي الجندى

ارجو ان تكون تعى جيدا ما تقول يا جندى
ارجو

مصطفى الجندى كتب:فاكر الفرح اللي كونا فيه مع بعض

بس ايه رأيك ف الفرح ............ لا تعليق

مصطفى الجندى كتب:صابر ...معلم سنوسي

تذكروا دائما

من كان بيته من زجاج..فلايقذف الناس بالحجاره

اه
ما انت نفسك المثل يتعدل
ويقول
اللى بيته من الزجاج .. يحدف الناس بالرتقال

مصالح يا صاحبى
المهم .. حد يتعور وينبنا احنا كمان من الحب جانب

العطر القمرى كتب:بس سؤال للى كاتب التوبيك
انت عرفت منين؟
هو انت اللى كنت ......... واللا اللى متفق معاه
شغل مباحث بقى

اصلهم اصحاب جامد يا فندم
ومافي حاجة بتستخبى علينا

مباحث .......... ما بلاش السيرة دى
بتعصب الجماعة اللى فوق

احمد جلال كتب:الموتسيكل البجاج اللي انت بتقول عليه اقساط اول موتسيكل بجاج نزل البلد
وكله بيتوحم عليه فليمضي الاستاذ مصطفي في طريقه ونجاحه واحترامه امام
الجميع

هههه
حلوة موتسكل بجاج دا ...................
نفسنا نعرف بيدور الزاى ...............

ف مرة جماعة اصحابنا حب يعملوا موقف فيه ويسرقوا منه المفتاح
وكانت الصيبة الكبيرة .......!!

( لا تاسفن علي غدر الزمان لطالما رقصت علي جثث الاسود كلاب ولا تحسبن برقصها تعلو علي اسيادها تبقي الاسود اسود والكلاب كلاب )

اه صحيح هما عملوا ايه فى الماتش دا !!

اصل المقولة دى كانت للجزائريين وقت الماتش

ولا انت تقصد ان معانا جزائريين هنا

احمد جلال كتب:احمد جلال
دائما مع المظلومين
ونترك اعداء النجاح يفعلو ما يفعلوه

بردو مش فاهم وجهة نظر سياتك يعنى وليكن ما يكون

احمد الله هو المكمل لسلسلة اعداء النجاح التي يتزعمها صابر وسنوسي

ولكن لن تكف اقلامنا عن الكتابه ولن تستطيعوا ان تفرضوا علينا سياسة تكميم الافواه

وانتم تعلمون ذلك

الخيل والليل والبيداء تعرفني....والسيف والرمح والقرطاس والقلم

البجاج والجنينه تعرفنى .. والفأس والنقز والبرنس والقلمى

ه اووووووووووووووووو هههه

وربنا انا ماهسكت ...فاكر دلوقتي قبل مانروح واحنا عند اسلام كنت عايز تعمل ايه

وانا خدتها منك وكنت عايز تلسعني بيها

اقول ولا .......غير رايك بسرعه احسن والله انا ماهسكت

ايه رايك ...معايا ولامع الاعداء

الي الاخ سنوسي وصابر المغرضين والمشككين في احترام الاستاذ مصطفي واللي هما عارفينه كويس اوي طبع

نشكر الزميل احمدجلال على احساسةالمرهف وحزنة على جارة واحمد ربنا انك مكنتش معاة كان حصلك شكلة
فنحن لا نشكك فى احترام مصطفى ولا نقلل من شانة بالعكس
نطالب العضو المثقف مصطفى بان يتعظ من اللى حصلةويتقى اللةفى افعالة

وان يواجة الحادثة بصدر رحب ويتخطى هذه الازمة


وأنا عارف انك بتعذب نفسك كل ما تفتكر اللي حصلك _ بس _

يا ريت تتعلم من اللي حصلك ( علي طريق امياي كياد الزراعي)
وسلامى الى المطرب ياسين التهامى
وربنا معاك

انت عرفت منين؟
هو انت اللى كنت ......... واللا اللى متفق معاه
شغل مباحث بقى

انا عرفت الخبرده يوم ا ديسمبر بالظبط عن طريق ناس من كياد اصل انا معارفى هناك كتير اتصلوا بى وقالوا فى واحد بلدياتك اتقلب عندنا امبارح وعرفت بعد كده ان اللى اتقلب ده هو البرنس .....
بالرغم من انه صحبى كان ممكن اكتم ع الخبر بس انا ما اتوعدت ان اخفى الحقيقه .

الخيل والليل والبيداء تعرفني....والسيف والرمح والقرطاس والقلم

انت فاكر نفسك مصطفى ابن شداد كنت اتشطر ع الناس اللى قلبوك وعلموا عليك
اللهم اما لا شماته بس ياريت تتعلم من الدرس ده ...

هو فعلا انت رحت لطبيب نفسي بعد الحادث ؟

بالفعل اكدت مصدر قريب جدا من مصطفى بالتحديد جاره انا الان يتلقى العلاج فى مصحه نفسية
واكده نفس المصدر ان المجنى عليه من بعد الحادث انعزل تمام عن الناس...

وبشكر
الباشمهندس سانو علي موضوعه الجميل وعلي التغطيه الشامله للأحداث ولاخبار
بلدنا بالخصوص وعلى امانتة وصدقة فى كتابة ونقل الحدث

يا صحبى دى رساله احنا كلنا بنأديها لايمكن ان تموت الحقيقة حتى لو كانت هتضر اقرب الناس ليا

لي الاخ سنوسي وصابر المغرضين والمشككين في احترام الاستاذ مصطفي واللي
هما عارفينه كويس اوي طبعا ( كل دي اشاعات) علي راي اغنية الفنانة سميرة
سعيد

هى الدنيا كده لازم الواحد يبقى منافق ويفتل الحقيقه عشان يبقى كويس فى نظر الناس
حسبى الله ونعم الوكيل ..وبعدين مصطفى محترم ما اقولتش حاجه ولا شككت فى كده بس لازم الناس كلها تعرف الصايبه اللت اصابته عشان الناس اللى بتعزه يوجبه معاه ويواسوه فى مصيبته
وبعدين انا مالى ب سميره سعيد يا عم ما تغنى زى ما هى عايزة ...