عتاب الحبيب

عتاب الحبيب
أحبك يا نظر عيني
وأحب كل من يحبونك
وأحب اهلك وكل ناسك
وكل اللي يعرفونك
وأحب ارض عليها تعيش
لجل نظرة من عيونك
أحبك حتى لو تزعل
ولو عني يبعدونك
لأن الحب في قلبي
خالص إلك ما دونك
أحبك توك صغير
في مهدك يناغونك
واحبك وسط لفافة
فوق الكف يحملونك
أحبك تحبي فوق الأرض
على الدرعان يشيلونك
وأحبك طفل تتبسم
وتنظر ليه بعيونك
ومن داك الزمن لليوم
أحبك ما أحبك ما دونك
احبك صرت تتمشى
في الصالة على هونك
نوبه تطيح نوبه تقوم
بالأحضان يضمونك
الماما تقول تاتيه
وإخوانك يشجعونك
وأشوفك زهرة تتفتح
وأشوف الدنيا بعيونك
ومن أيامك الأولى
أحبك ما أحب دونك
احبك وش كثر تدري
سل الجيران يخبرونك
وسل أهل الفريق اشقد
علي حبي يحسدونك
سل الماما وسل البابا
سل خديك وعيونك
سل كل من تحب تسأل
كل الناس يشوفونك
على صدري تحط صدرك
وأضمك ما أضم دونك
احبك حامل الشنطه
إلى المدرسة يودونك
واحبك تو تتعلم
حروف اسمك يهجونك
واحبك وانته تخربش
حروف اسمي ويسألونك
وش تكتب؟ تتبسم
تطالعني ويفهمونك
ويحسدوني على حبك
لأني ما أحب دونك
كبرت ومرت الأيام
وصرت اقرأ من عيونك
تعابيرك أحاسيسك
وحتى رفة جفونك
تقول ابتعد لا تقرب
مني لا يشوفونك
ربعي منك يغارون
مالي كار ياذونك
مالك محل في قلبي
احبك انت؟ من كونك؟
ربعي لا يشوفونك
متى عندك ربع غيري؟
أخاف إنهم يخدعونك
تالي الأسف ما ينفع
إذا ملوك يخلونك
تالي ما لي غيري
لأني ما أحب دونك

تسلم كلمات مميزه

مشكووووووووووووووووور يا غالي