قبول استقالة رئيس الوزراء وسر بلوفر شفيق
أعلن المجلس الأعلي للقوات المسلحة قبول استقالة أحمد شفيق وتعيين عصام شرف وزير النقل السابق بدلا منه ، وذلك بعد
الضغوط المتواصلة من شباب الثورة للتخلص من بقايا النظام السابق في خطوة إيجابية نحو مسار التصحيح .
بلوفر شفيق حاز عدد هائل من التعليقات علي الإنترنت بعد الراجل اللي ورا عمر سليمان و الست اللي ورا القذافي
والواد اللي بيجيب الشاي للقذافي واليكم مجموعة تعليقات انقلها اليكم
** أعلن شفيق انه يرتدي الأن البلوفر الكحلي عشان يشتغل في الأزرق
** اعلن شفيق انه قاعد على قلبكم و أكد تمسكه بالكرسى و البلوفر ..طب و هتعمل ايه فى الصيف يا شفشق ؟ هالبس البلوفر ع اللحم.
** في تاريخ العرب هناك سببان للفتنة: قميص عثمان وبلوفر شفيق .
** المجلس العسكري يؤكد أن عملية خلع مبارك من الكرسي كانت أسهل كثيرا من عملية خلع شفيق من البلوفر .
** انباء عن استقاله شفيق بعد ما بقي البلوفر بتاعه ترندينج توبيك.
** أنباء عن إنضمام عدد من البلوفرات لمظاهرة تطالب شفيق بخلعه .
** مظاهرات في مصطفي محمود تطالب برد الجميل لبلوفر شفيق ..واحد المظاهرين يقول والدموع في عينيه ان البلوفر ابوه.
** خلاص يا شفيق game over يلا بقي اقلع البلوفر .
** كمان يومين شفيق هيطلع فى مكالمة هاتفية مع منى الشاذلى ويقولكم ادينى خلعت ام البلوفر..اهدوا بقى ولا تحبو اجيبلكو بونبونى.
** اعلانات الوسيط: بلوفر مشجر بالورب غرزة عريضة نقش رجل الغراب كولة قلاب كم طويل استعمال شفيق.
** محلل سياسى أمريكى يقول: شفيق يجب ان يتنازل عن البلوفر فوراً و فى انتظار خطاب اوباما خلال ساعات قليلة.
** شفيق مش بتاع إعلانات .. شفيق بتاع بلوفرات.
** بلوفر شفيق الي بتتريقوا عليه ده غالي جدا لانه صوف من خروف يتيم.
** وبكره نكتشف ان لبس شفيق للبلوفر ماهو الا شغل مخابرات بالتآمر مع عمر سليمان وصفوت لشريف.
** مش مستريح لموضوع البلوفر دا ..ممكن كدا شفيق يفهم ان احنا مش عاوزينه عشان خاطر البلوفر ويطلع يقول
انا فهمتكم هقلع البلوفر والبس جاكيت صوف.
** بلوفر شفيق .. يتمدد بالحراره .. ينكمش بالبروده .. و يلتصق بالوزاره.
** وائل غنيم يبدي استعداده بالتخلي عن الخظاظة اذا تخلي شفيق عن البلوفر.
** زى ما خلصنا من عمر سليمان واجنداتة , ان شاء الله قريب قوى نخلص من شفيق ببلوفرات.
** السبب الحقيقي وراء عدم ظهور شفيق مع محمود سعد من يومين... البلوفر كان في الغسيل.
** عاجل: بلوفر شفيق مش زي بدلة الغنوشي, بلوفر شفيق مش زي بدلة الغنوشي, بس تقول لمين.
** شفيق يطلق حملة ترشيحه رئيساً لمصر ببرنامج انتخابي تحت عنوان, بلوفر لكل مواطن.
** أقدر اقول دلوقتي : ان بلوفر شفيق , بقا أشهر من بلوفر عمرو دياب بتاع تملي معاك.