حياتو : الشطب في انتظار الغاني لامبتي حكم مباراة الاهلي والترجي

الخبر كاذب تم تكذيبه من قبل الاتحاد الإفريقي يا أستاذ محمد.
اذاي بس حياتو ادلى بحديث لقناة النيل للرياضة والراجل نفى أصلا انه تلكم اصلا ولو مع اي مسؤول.

اعتقد إن لو تم ايقاف الحكم الغاني موسم لابد ان يوقف الحكم الليبي موسمين لأنه بدأ المهزلة.
وإذا تم ايقاف اينرامو يوم يتم ايقاف محمد فضل سنة اولا وقبل كل شيء لتطاوله على حكم اللقاء و تصريحه تصريحات غير مسئولة بالمرة ،، ثانيا لوضعه هدف غير شرعي ثم محاولة الضحك على السذج بالسجود.
برجاء مراجعة موقع يلا كورة و كورابيا يا استاذ محمد حتى تتاكد من كذب الخبر الذي سربه الإعلام لمحاولة التهرب من خيبة الخروج من الكأس . كما فعلوا تماما في اقحامنا في سراع غير مبرر مع (( شطة )) و (( فاروق جعفر)) لتبرير هزيمة النيجر.
ارحمونا يا شباب من ازدواجية المعايير ،، ارحمونا.
ما الفرق بين ما فعله الغاني ،، وما فعله الليبي.تقبلوا مروري و .

فيه ثلاث حقائق أود ان اوضحها حتى تتفهوا موقفي بالتحديد يا شباب.

1- ان كزملكاوي غير سعيد أو حزين لخروج النادي الأهلي ،، ولكني حزين للغاية على الإعلام المصري الفاسد في محالجة كافة القضايا.
2- يكفي الأهلي شرفا و جماهيره العظيمة الوصول لدور الأربعة لدوري الابطال. كما أن أي بطولة لا تضيف جديد للأهلي فهو عظيم بما لديه مسبقا من بطولات.
3- النادي الأهلي أو أي فريق مصري آخر يعلب في مسابقة افريقية أو دوليه لا يمثل (( مصر)) بل يمثل نفسه و يمثل جماهيره فقط. مثلنا في ذلك مثل كل دول العالم (( جماهير الريال تفرح لخروج البرسا والعكس)) (( الميلان والانتر نفس الشيء)) (( حتى جماهير الافريقي لم تكن سعيدة لوصول الترجي)) يا جماعة الخير برجاء تحكيم العقل.
وإلا إذا كان الإسماعيلي أيضا يمثل مصر في هذه البطولة لماذا لم يتم (( ايقاف )) احمد حسن او مهاجمته في اعلامنا الفاسد لتسببه في خروج الإسماعيلي بهدف غير شرعي 100% وفي الدقيقة الأخيرة من مبارة الأهلي و الإسماعيلي.
الأهلي وصل أصلا لدور الأربعة بهدف غير شرعي لوائل جمعة من أحمد حسن.
ثم واصل عدم شرعية أهدافه بهدف فضل (( الممثل البارع)). فهل تم ايقاف هذين الحكمين من قبل افتحاد الافريقي. سؤال بريء.
وثانيا اكرر ،، يكفي النادي الأهلي العظيم و جماهيره العظيمة الوصول لدور الأربعة. ولكن لابد من بحث أسباب الخروج بعيدا عن التحكيم. و.

للعلم بس يا دكتور،، هذا الحكم حكم ماتش (( رواندا * مصر)) و مصر فازت واحد صفر في رواندا.
وكان من السهل عليه جدا احتساب أي ضربة جزاء ولكنه لم يفعل.
مش عايزين نخلط الاوراق. وبعدين النادي الأهلي لا يمثل (( مصر)) يا دكتور.دي بديهية مش عايزة شرح.
ولماذا ترفض مقارنة (( فضل و اينرامو)) هل فقط لأن اينرامو رفض الضحك على الذقون و السجود،، في حين سجد فضل ليضفي نوع من الشرعية على هدف غير شرعي.
طيب قارن بين (( اينراموا و وائل جمعة )) ممكن دي.
ألم يتهم جماهير و ادارة الإسماعيلي النادي الأهلي برشوة حكم المبارة في القاهرة. و رفضت كل وسائل اعلامنا الفاسد هذه التهمة. مين بقى ال عنده ازدواجية.

ثانيا يا دكتور (( أنا وضحت جدا إن الأهلي لا يزيده أو ينقص منه بطولة جديدة.
ولكن قلت يكفيه شرفا (( يعني في البطولة الحالية)) اعتقد كلامي واضح جدا. لو اردتم أن تغيبوا عقلكم و تعلقوا خسارتكم على الحكام فهذا شانكم ،، ولكن بدون اتهامات مهينة سبق أن اتهمتم بها من قبل سواء مع الاسماعيلي او غيره من الأندية أيضا هذا العام وفي هذه البطولة. تقبلوا مروري و .

أستاذ عمري لا املك إلا أن أقول لك.
فعلا من هزم الأهلي هو كل ما ذكرت.
فعلا هناك أفلام هابطة ادمنا تمثيلها عند كل لقاء بين فريق من (( مصر )) وليس (( مصر)) و الكل يحاول أن يجيد المثيل.
فعلا كل من ذهب لمطار القاهرة جماهير (( اما مأجورة أو مغيبة)).
استاذ عمري بكل صراحة لك.

فى كلام كتير من اللى انت بتقوله يا عمرى أنا متفق معاك فيه ( بس مش كل الكلام )
كون الادارة مجددة للبدرى .... ما افتكرش ان دا غباء من الادارة بالعكس دا حسن تصرف
حتى لو البدرى زى ما بتقول بيهجس فى التغييرات وفى ادراة كثير من المباريات بس بردوو كان لازم يكمل
لأن كون انها تمشى المدرب والفريق فى مشوار بطولة يبقى كده مش هدفها البطولة بردوو لأن المدرب الجديد اللى هيجى أكيد ما يعرفش الفرقة وهيقولك لسه ببنى فريق جديد ... يعنى هيخلى نفسه من المسئولية
انما كون البدرى تعبان فى ادارة المباريات ................ دى وجهات نظر والادارة أدرى بيها مش معنى كده انى متفق معاه بالعكس زى ماانا بردوو وجهة نظرى ان حسن شحاته بيدير كثير من المباريات غلط بس ربنا بيسهله بدعى المصريين الغلابى


ومعاك ان مافيش انتماء لو فرقة تانية بتلعب ( الزمالك مثلا ) ان الواحد بيكون بتمنى لها الفوز
لأ طبعا ( وممكن يكون جايز .. الله أعلم ) أنا عن نفسى لو الزمالك بلاعب اى حد بكون عايزه يخسر ولو كسب عادى مش بضايق وسورى دا مش عيب ... بس العيب لما فريق ( حتى لو الزمالك ) يخسر من فرقة بره مصر ونلاقى الجمهور بتعاير بعض فى الاستاد بدا ( يعنى بننشر غسيلنا الوحش ) دا اللى انا بعتبره عيب

انما مهما تقول ومهما نعيب ومهما نحلل .. استحالة أستثنى الحكم من اسباب الهزيمة ( وهو أكبر قدر منها كمان )

جودة كتب:للعلم بس يا دكتور،، هذا الحكم حكم ماتش (( رواندا * مصر)) و مصر فازت واحد صفر في رواندا.
وكان من السهل عليه جدا احتساب أي ضربة جزاء ولكنه لم يفعل.
مش فاهم ايه علاقة انه من السهل جدا يحتسب ضربة جزاء ولكنه لم يفعل .. على العموم دا مش موضوعنا

مش عايزين نخلط الاوراق. وبعدين النادي الأهلي لا يمثل (( مصر)) يا دكتور.دي بديهية مش عايزة شرح.
سورى يا أستاذ جودة ......... اسمحلى اختلف معاك وبشدة كمان
ودى وجهة نظرى ومقتنع بيها ........... والله أعلم
النادى الاهلى ( أو الزمالك أو الاسماعيلى او الحرس ) لما بيكون بيلعب بيلعب خارج مصر بيكون بيثمل مصر بس مش فرض ان كل مصر تشجعه ( مش فرض )
لكنه بيمثل مصر
افتكر زماااااااااااااااان وانا صغير ماكنتش بحفظ أسماء الفرق .. ولما حد بيسألنى مين اللى بيلعب مع الاهلى بقول فرقة من كذا ( بيقول اسم الدولة ) ولحد دلوقتى بردوو
وكمان لما بتكتب ويتقال بيتقال النادى الاهلى المصرى .. او السفاقصى التونسى أو الرباط المغربى .. بيكون اسم الدولة مقرون باسم النادى
يبقى أكيد كل فرقة بتمثل بلدها حتى لو كان فى فرق تانية بجمهورها من نفس البلد  بتتمنى هزيمتها
 

ولماذا ترفض مقارنة (( فضل و اينرامو)) هل فقط لأن اينرامو رفض الضحك على الذقون و السجود،، في حين سجد فضل ليضفي نوع من الشرعية على هدف غير شرعي.
طيب قارن بين (( اينراموا و وائل جمعة )) ممكن دي.
هو كون فضل سجد بعد الهدف يبقى فضل ممثل ونصاب ............... ما افتكرش
والا كان فى لاعيبة كتيييييييييييير أو أغلبهم نصابين ( زى أحمد جعفر مثلا ) وزى اى هدف بيجي من ضربة جزاء غير صحيحة
وكمان فضل ردة فعل عنده اول ما يجى هدف بيسجد مكانه قبل ما يمشى اى حركة ... ولا علشان الهدف بلمس اليد يكفر ساعتها وما يسجدش ولا يروح للحكم ويقوله الغى الهدف
ما افتكرش على هذا الاساس نحكم على فضل ........ وإلا كان ميسى وهنرى ومارادونا وكثير من اللاعبين نصابين
دا غير ان فضل ( مش علشان هو فى الاهلى ) بس وهو حتى لما راح الاسماعيلى كان كل الناس بتشهدله بالأخلاق وأولهم زمايلى الزمالكوييين

انما لو اللى يقول ان هدف اينرامو رد على هدف فضل .......... يقصد بقى انها تمثلية مدربة لرد الخطأ بخطأ ( ودى تبقى مصيبة ) الخطأ ما يتصلحش بغلط
وأقوللك الفرق بين هدف فضل واينرامو ( من وجهة نظرى بردوو )

- هدف فضل صعب ان يتشاف ( يعنى ممكن نقول الحكم ما شفهاش ) انا نفسى مش عارف اشوفها بالاعادة ... انما اينرامو ما افتكرش
- فضل الكورة مردودة من الحارس وصددت فى ايده ودخلت الجون .... اينرامو الكورة مرفوعة من زميله وهو اللى شاطها فى الجول
- حتى لو الحكم شافها وحب يحسب فاول عادى ......... انما اينرامو لازم انذار معاها
- هدف فضل احتمال ( وبقول احتمال ) تكون غلطة الحكم الوحيدة ........ انما اينراموا ما افتكرش انها كانت الغلطة الوحيدة فى الماتش
- فضل كان فى دربكة ............ اينراموا كان لواحده خالص وفى زاوية المساعد
- اللى سمعته من بعض محللين ( أهلاويين وغير ) ان هدف فضل ممكن يتحسب عادى ... انما اينراموا استحالة
زى الكورة لما تيجى فى يد اللاعب ف منطقة الجزاء عن غير قصد .. ممكن الحكم يجسبها ودا حقه وممكن ما يحسبهاش حسب رؤية الحكم 


ألم يتهم جماهير و ادارة الإسماعيلي النادي الأهلي برشوة حكم المبارة في القاهرة. و رفضت كل وسائل اعلامنا الفاسد هذه التهمة. مين بقى ال عنده ازدواجية.
ازدواجية تانى يا أستاذ جودة
ادراة الاسماعيلى ما أعرفش اتهمت الاهلى ولا لأ ........... بس اللى اعرف ان المدير الفنى اللى شور بس ( وربنا أداله عقابة ) انما الجماهير كده كده هتتهم ومعروف اللى بين جماهير الاهلى والاسماعيلى

ثانيا يا دكتور (( أنا وضحت جدا إن الأهلي لا يزيده أو ينقص منه بطولة جديدة.
ولكن قلت يكفيه شرفا (( يعني في البطولة الحالية)) اعتقد كلامي واضح جدا. لو اردتم أن تغيبوا عقلكم و تعلقوا خسارتكم على الحكام فهذا شانكم ،، ولكن بدون اتهامات مهينة سبق أن اتهمتم بها من قبل سواء مع الاسماعيلي او غيره من الأندية أيضا هذا العام وفي هذه البطولة. تقبلوا مروري و .

انا مش بعلق على الخسارة .. عادى ان الأهلى يخسر
وكمان ما قولتش ان فى أخطاء من الكل ( كل النوادى فيها أخطاء حتى لو فازت ) انما ما مش بشيل الحكم من الأسباب .............. بالعكس بحطه هو الاول وبجدارة كمان

انما الاتهامات كل واحد يقول اللى هو عايزه .......... بس على لسانه هو
انما لو اتقال حاجة من الادارة ........... يبقى هنا نحملها المسئولية وساعتها نقول انها اتهامات باطلة
( انا بتكلم على حكاية الرشوة ) انما كونه حكم كان ظالم ومجامل جدا ................. دى مش محتاجة

وهقول تانى انا ما قرأتش ان الاسماعيلى ( ادارة ) اتهم الأهلى بحاجة .. انما الجماهير ماليش دعوة بيها

و يبقى الحب والاحترام ما يجمع بيننا دائما (( دكتور أحمد)) و العزيز الغالي (( محمد الكومي)) وكل اعضاء المنتدى.
كل التحية و التقدير لكم جميعا،،و احيي فيكم هذا الانتماء الكبير لهذا الصرح العظيم(( الأهلي)). و .