كووووووووووووووووووووسة

اتضايقت اوى لما لقيت ناس كتير مش عارفين يعنى ايه كوسة


ويقوللك ده نجح كوسة

وده جاب تقدير كوسة

ودى انتخابات كلها كوسة

ده اتعين كده كوسة


ده مشرف كوسة

وده مدرس كوسة مش فاهم المنهج الى بيدرسو اصلا

وده سواق كوسة ماتعرفش جايب الرخصه منين

وده مسئول كوسه

ولا ده بقي وزير كوسة

طيب مانقول بلدنا بلد الكوسه

الكوسة ماليا علينا حياتنا

ما كفاية كوسة

و حملة ضد الكوسة

و لا للكوسة لا للكوسة

بس ايه اصل الكوسه

و بعد كل ده تلاقى الواحد مش عارف اصل الكلمة ايه


فانا بحثت في كتب التاريخ لحد ما توصلت لاصل تراث الكوسة ده




كان يا مكان في قديم الزمان - مش زمان اوى يعنى -

مثلا ايام المماليك او العثمانيين كدة

كانت القاهرة ليها سور كبير



و كانت الاسوار بتتقفل الساعة 8 بالليل و ممنوع اي حد يدخل بعد كدة

- شايف كان فيه نظام ازاى ما شافوهاش و هى على البحرى دلوقتى -



المهم
فكان اي حد من الفلاحين يحاول يدخل بعد الساعة 8 ميعرفشى خالص مهما كان


الا الفلاحين اللى بيزرعوا كوسة !!

و ده بسبب زراعى جدا وهو ان الكوسة ما ينفعشي تتحصد الا بالليل بعد 12 كدة مثلا




فكان الباب يخبط


طق طق طق

مييييين ؟

انا

انت مين ؟

انا فلان الفلانى اتأخرت و جيت اهو

لا مانتش داخل و بوووووووووووم طاخ طيخ طووووخ




بعدها يخبط الباب


طق طق طق

ميييييين ؟

انا

انت مين

كوووووسة



يقوم الباب مفتوح





ومن يوميها و الكوسة بقت رمز من رموز الوطن قصدى رمز للمحسوبية وخير مثال لها


يلا بقى اعرفوا تاريخكوا و ان الكوسة دى حاجة وطنية لازم نفتخر بيها


يمكن الموضوع مش مكانه هنا بس انا حطيته هنا كوسة[b]

كووووووووووووووووووووووووووسه

انا كنت باحسب ان بيقول كلمة كوسة على الحاجات الغلط
علشان كوسة طعمها وحش
بس على المعلومة

لا طبعا ده مفيش احلي من الكوسة حتي سهل الهضم

والله معلومه جديده طق طق مين كوسه ادخل الحربيه الشرطه الجويه وظيفه طقطق مين بطيخ بره يا ابن ال-طقطق مين كووووووووووووووووووووسه

الله ينور عليك يا موجي كده وصلتك المعلومة

على فكرة الموضوع بتاعك دة جامد اخر حاجة يا حبيبى يا ابو عزام يا رايق ...
وعلى فكرة برضك انتة جنتل قوى بالنظارة اللى انتة لابسهه دى ....
وعلى فكرة كمان مرة احسن من على سهوة.....
ههه

ده مشرف كوسة

اول مره اعرف ان فيه مشرفين هنا بيزعوا كوسه هههه
بس والله جميلة وجديده
كل حاجه اكيد ليها اصل
طب تعرف ليه بيقولوا للفرخة هش
وللحمار حا هس
دا كلام فرعونى قديم مازال فى ادارج اللغة العربيه