منتدي شباب إمياي

هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.
منتدي شباب إمياي

مجلس الحكماء

التسجيل السريع

:الأســـــم
:كلمة السـر
 تذكرنــي؟
 
عندما تحولت ( القمة ) إلى ( قاع ) .. بفعل التوأم Support


    عندما تحولت ( القمة ) إلى ( قاع ) .. بفعل التوأم

    avatar
    أحمد الله
    المـــــشـــرف الـــعام
    المـــــشـــرف الـــعام


    النوع : ذكر
    عدد المشاركات : 6069
    العمر : 36
    تاريخ التسجيل : 17/04/2009
    مزاجي النهاردة : عندما تحولت ( القمة ) إلى ( قاع ) .. بفعل التوأم Pi-ca-18
    عندما تحولت ( القمة ) إلى ( قاع ) .. بفعل التوأم 30

    عندما تحولت ( القمة ) إلى ( قاع ) .. بفعل التوأم Empty عندما تحولت ( القمة ) إلى ( قاع ) .. بفعل التوأم

    مُساهمة من طرف أحمد الله 30/6/2011, 2:25 am

    فى الاول بسأل نفس السؤال اللى كل مصر بتسأله ( وبقى كتييير من الزملكوية يسألوووه )

    لحد امتى هيفضل حسام حسن يمرهم ف الجماهير وحاطط غمامة على عيونهم يوجههم زى ماهو عايز للغلط ك ؟
    لحد امتى ؟

    اللعيبة بقت أغلبها بلطجية ومش عاجبهم حاجة .. ولا بيعترفوا بأخطائهم وفشلهم هما كمان

    اللى حصل ف مبارة القمة جعلتنا نضع القمة على مائدة القيل والقال ... احنا مش نقّاد لكن لينا حق الرأى

    قبل كل شىء أحب افكرك الزملكوية بحاجة :
    ف المؤتمر الصحفى بركات قال لحسام حسن : ف ماتش السنة اللى فاتت ( 3/3 ) وبالضبط الهدف التالت للزمالك ( لعبد الشافى ) .. بركات انضرب ف وشه - على ما افتكر الكورة جت ف وشه - ووقع على الأرض ولا حد عبره من الزمالك وطلع الكورة بالعكس ... اللعبة كملت وعبد الشافى دخلها جول

    وبزود ع الذاكرة : ف ماتش طلائع الجيش اللى فاتت .. عامر صبرى وقع ف الدقائق الأخير .. وبردوو لاعيبة الزمالك ماطلعوش الكورة

    يبقى اللى حسام حسن بيعمله دا كله ... مالوش فايدة

    حسام ما صدق انه لقى شماعة يعلق عليها ( كالعادة ) فشله ف المباراة وتغييراته الأفشل
    (( لدرجة انه لحد دلوقتى ف اتصال بيقول انه الزمالك كان الأفضل والأخطر طوال شوطى المباراة ... كان بيتفرج على ايه دا ؟ ))

    الطريق ان حسام حسن فى المؤتمر الصحفى :: اكتر واحد اتكلم .. اتكلم وقت كبييير جدا وبالرغم من كتر الوقت انه أغلبه اتكلمه ع الاهلى وان الاهلى كان بيلعب بعشوائية وكان تخطيطه فاشل ... بقى دا كلام مدرب عاقل ؟

    وحسام ( اللى ما بيحضرش مؤتمرات اصلا ) علق ان الزاى المدير الفنى مانويل جوزيه مش بيحترم الصحفيين زى ما هو بيحترمهم وبيحضر المؤتمر الصحفى ... الجدير بالذكر ( ان المدير الفنى للأهلى أعلن من مباراة طلائع الجيش انه لن يحضر مؤتمرات لنهاية المووسم ... ودا حقه ))


    وكمان نرجع للعبة اللى حسام حسن عمل عليها القلق دا كله

    عاشور الادهم .. وقع لوحده ... والكورة طلعت بره ( أوووت ).. يعنى الكورة أصلا بره .... والحكم يشاور ان رمية التماس تتلعب وبيشاور لعاشور الادهم انه يقوم يقف ويكمل اللعب

    ليه الحكم ما وقفش اللعب ؟

    وسبوكوا من دا كله .... بقى دى كورة محمود فتح الله الدولى يطلعها ؟ .. فى لاعب دولى يطلع الكورة ويشتتها ف المنتصف ( مش الاجناب )


    وياسلااام على الموقف اللى عمله حسام لما راح وخض جوزيه ع دكة البدلاء ..... دا كلام ينفع يا كابتن ؟
    والأدهى من دا ... تبرير ابراهيم حسن ف اتصال على أحد القنوات ... ان دا بيحصل ف الدوريات الاوروبية عادى .. كتيير بنشوف جوزيه مورينيو بيعمل كده


    - ودا مش أول وقوووع من لاعب زملكاوى ويطلع مافيهوش اى حاجة ............. انتوا اتعديتوا من شمال أفريقيا ولا ايه ؟

    - مش لاقى تفسير للى عمله هانى سعيد ( النرفزة دى مالها مبرر يخففها ) ... يضرب دومنيك فى فعل يستاهل عليه الطرد ( وعلى فكرة الاتنين أخدوا انذار للعبة تانية ) .. وكمان يلبس عاشور طرد ... وغير اللى عمله ف غرفة خلع الملابس

    - مش عارف بصراحة أغلب لاعبى الزمالك اللى اتصلوا بالبرامج بيقولوا ان اللعب مافيهوش فييير وأن الزمالك كان الاحسن طوال المباراة ...... دول كانوا بيتفرجوا على ماتش ايه بالضبط ؟

    ولا طالما رب البيت ( المدير الفنى ) بالدف ضارب ... فشيمة لاعبى الزمالك ؟؟؟؟؟



    ملحوظة :

    - طوووول الماتش ( مش الماتش دا بس .. الماتشات اللى فاتت كلها ) عمر جابر بيستعبط بطريقة أووووفر اوى

    - الهدف التانى للزمالك ف شك انه أوفسيد ........... بس الشك ف صالح المهاجم


    عدل سابقا من قبل أحمد الله في 30/6/2011, 3:02 am عدل 1 مرات
    avatar
    أحمد الله
    المـــــشـــرف الـــعام
    المـــــشـــرف الـــعام


    النوع : ذكر
    عدد المشاركات : 6069
    العمر : 36
    تاريخ التسجيل : 17/04/2009
    مزاجي النهاردة : عندما تحولت ( القمة ) إلى ( قاع ) .. بفعل التوأم Pi-ca-18
    عندما تحولت ( القمة ) إلى ( قاع ) .. بفعل التوأم 30

    عندما تحولت ( القمة ) إلى ( قاع ) .. بفعل التوأم Empty رد: عندما تحولت ( القمة ) إلى ( قاع ) .. بفعل التوأم

    مُساهمة من طرف أحمد الله 30/6/2011, 2:56 am

    ودا الجول التانى لحسين ياسر

    (( بس زى ما بقول ... هى شك .. والشك ف صالح المهاجم ))

    عندما تحولت ( القمة ) إلى ( قاع ) .. بفعل التوأم 270549_218091418229922_130998633605868_607813_6483202_n

      الوقت/التاريخ الآن هو 28/3/2024, 4:34 pm