اسمعني شكرا؟

فاكر؟



فاكر لما كنت حتموت عليها؟



فاكر لما كان قلبك بيدق لما تشوفها؟



فاكر لما كنت بتتمنى تخطبها و تدعى ربنا تكون من نصيبك؟



فاكر حصلك ايه لما عرفت ان متقدملها واحد غيرك؟



طيب فاكر لما روحت تتقدملها؟



يومها لبست البدلة و قلبك طاير من الفرحة... خادت معك تورتة كبيرة..



فاكر قلبك كان بيدق ازاى و انت بتقرا الفاتحة مع والدها؟



فاكر ازاى مكونتش حاسس بالدنيا و الناس بتقولك ؟



فاكر لحظة مالبست دبلتها ؟



فاكر ازاى مبقتش مصدق نفسك انك خطبتها؟



فاكر؟



فاكر لما كنت بتعد الأيام علشان تروح تزورها؟



فاكر الشيكولاتا اللى كنت دايما تاخدها و انت رايح؟



فاكر الورد اللى كانت بتفرح لما تشوفه؟



فاكر كلمة وحشتينى؟



فاكر لما كنت بتتمنى اليوم اللى يتم فيه الزواج ؟



حلمت كام مرة باليوم ده و انت خاطبها؟



فاكر يوم كتب الكتاب؟



فاكر وشك ازاى كان أحمر و انت بتردد ورا المأذون ؟



فاكر ازاى مكونتش شايف و لا سامع حاجة بعدها مع إن ألف واحد إتلم عليك يحضنك و يبوسك يباركلك و انت مش شايف غيرها بتبسملك؟... عروستك



فاكر تعبت قد ايه و انت بتوضب الشقة؟



فاكر كم مرة و انت فى الشقة و هى بتتوضب كان قلبك قد ايه سعيد ان ده البيت اللى حبيبتك حتعيش فيه معاك؟



طيب فاكر لما روحتوا تختاروا الوان السيراميك؟



فاكر و انتوا بتفكروا فى ألوان الحيطان؟



طيب فاكر فرحتك و انتا بتفرش الشقة بالعفش؟



فاكر لما كانت الفرحة مش سيعاك و انت بتتفق على الفرح؟



فاكر لما كان فاضل على الفرح يوم واحد؟



فاكر و انت بتشترى البدلة؟



و انت بتتفق على زينة العربية؟



فاكر لما نسيت تكلم صاحبك تعزمه من لبختك؟



فاكر يوم الفرح لما روحت تجيبها من الكوافير؟



فاكر؟



فاكر كانت اقد ايه الفرحة مش سيعاك و انت بتدخل مع حبيبتك لأول مرة بيتكم؟



فاكر؟



مرت كام سنة على الذكريات الجميلة دى؟



ايه اللى اتغير فيك ؟.. ايه اللى جرالك؟



ليه بقيت قاسى عليها؟



ليه مبقتش رقيق معاها زى زمان؟



مش دى حبيبتك اللى ياما اشتقت تسمع منها كلمة بحبك؟



مش دى اللى ياما قلتلها انك بتحبها؟



ليه مبقتش تجيبلها ورد زى زمان؟



ليه مبقتش تجيبلها هدية تعبر بيها عن مشاعرك ؟



اسمع كلام ربك حبيبك و هو بيقول وَعَاشِرُوهُنَّ بِالْمَعْرُوفِ



اسمع كلام الحبيب المصطفى صلى الله عليه و سلم لما قال " ألا واستوصوا بالنساء خيرا".. صلى الله عليه و سلم



رسالة لكل زوج اوعى تسيب زوجتك حبيبتك زعلانة منك و افتكر كل اللحظات الجميلة اللى بينكم و صالحها دى أجمل لحظة وانت بتصالحها



واوعى تفتح باب للشيطان الرجيم







بارك الله لكم و فيكم و حفظكم من كل سوء.. آمين

من طرف الشيخ رضا شريف الخولى الله يسامحك يا استاذة انجى على الرغم من انى معرفكيش شخصيا وبرده مش عارف الكلام الى كتبتيه ده وحاولتى ان تسمعيه لنا وقولتى اسمعنى معرفش الكلام ده انتى تقصدى بيه دعوة الى المعاشرة بالمعروف بين الازواج والزوجات ام تقصدى به ان تقلبى المواجع على الناس وان كنتى تقولى اسمعنى فانا اقول افيدينى عن مغزى هذا الكلام وبلاش تجرحى فى الناس وتفكريهم بالزمن الجميل الذى اصبح رجوعه من المستحيل وصدق الشاعر اذ يقول لا تشغل البال بماضى الزمان ولا بئات العيش قبل الاوان واغنم من الحاضر لزاته فليس من طبع الليالى الامان الاستاذه انجى فلسفة الحب بحر ملوش قرار الله يخليكى متحوليش تغرقى الناس فيه

الشيخ رضا شريف الخولى كتب:من طرف الشيخ رضا شريف الخولى الله يسامحك يا استاذة انجى على الرغم من انى معرفكيش شخصيا وبرده مش عارف الكلام الى كتبتيه ده وحاولتى ان تسمعيه لنا وقولتى اسمعنى معرفش الكلام ده انتى تقصدى بيه دعوة الى المعاشرة بالمعروف بين الازواج والزوجات ام تقصدى به ان تقلبى المواجع على الناس وان كنتى تقولى اسمعنى فانا اقول افيدينى عن مغزى هذا الكلام وبلاش تجرحى فى الناس وتفكريهم بالزمن الجميل الذى اصبح رجوعه من المستحيل وصدق الشاعر اذ يقول لا تشغل البال بماضى الزمان ولا بئات العيش قبل الاوان واغنم من الحاضر لزاته فليس من طبع الليالى الامان الاستاذه انجى فلسفة الحب بحر ملوش قرار الله يخليكى متحوليش تغرقى الناس فيه

السلام عليكم ورحمه الله وبركاته

من طرف بقا Eng.Nour: بقول لحضرتك مغزاه باين من الاخر طبعا مش محتاج تفسير

اعتقد يا استاذي الفاضل هو ده المغزي ومفيش كلام بعديه

اسمع كلام الحبيب المصطفى صلى الله عليه و سلم لما قال " ألا واستوصوا بالنساء خيرا".. صلى الله عليه و سلم
ومش بقلب المواجع ع حد يعني ولو قلبت ع حضرتك يبقي انا اسفه جدا وحضرتك خد الكلام من جهه تانيه خالص

وجزاك الله عنا كل خير

أحمدرسلان المحامي كتب:

[رفقا شويه عزيزى الشيخ رضا
الانسه انجى قصدها المحافظه على علاقة الموده والرحمه والحب
وان يكون كل زوج من الزوجين حريص على ارضاء الاخر
وتذكير الرجل بما مضى هو نوع من تنشيط للحب
وصاحبتنا غرضها جميل وهدفها اسمى حتى يتغلب الرجل على عصبيته في بعض الاحيان ولكن عتابى لها ايضا هو تذكير المرأه بهذه الاشياء ايضا لتستمر الحياه ويتحمل كل طرف الاخر
 وتقبلوا مرورى
و]]

طبعا انا مع حضرتك لازم الزوجه هيه كمان تتفهم المواقف علشان الحياه الزوجيه تتكمل ونبقي مجتمع صالح
وجزاك الله عنا كل خير