المنتديات العامة 
من طرف Ahmed Ragab 10/9/2011, 7:36 pmالسلام عليكم ورحمة الله وبركاته
أخواني وأخواتي اعضاء المنتدى الكرام أحب أقولكم أن ما
حدث في يوم جمعه تغيير المسار " خراب الديار عفوا "
هذا معناه فشل الثورة المصرية العظيمة وأن هذا الشعب
لايستحق أن يكون من شعرب الدول المتقدمة
أنا مش عارف لحد امتى هنفضل نكذب الكذبة ونصدقها نقول احنا أفضل شعب في العالم
ونكون بالهمجية دي لحد امتى هنقول احنا نستحق الديموقراطية واحنا بنخون في بعض لحد
امتى بنقول احنا لازم نكون في طليعه الدول اقتصاديا واحنا كل يوم بنعمل اعتصامات
وبستغل الحالة الموجوده في البلد من تسيب لحد امتي هنقول ان احنا لازم نكون شرفاء
واحنا بنشوف أعمال البلطجة يوميا في الشارع المصري عيانا بيانا ولا يحرك أحدنا
ساكنا
ملخص الكلام اللى فات احنا شعب كلاااااااااااااااااااااام
لا أفعال " شعب بق " أيون احنا شعب بق بنقول ومش بنعمل
بالنسبة لجمعه تغيير المسار هي فعلا كانت تغيير مسار بس
تغيير مسار من الأفضل لأسوا الأسوأ يعني ايه يقولوا جمعه وتظاهرات سلمية وتروح
تقتحم مديرية امن الجيزة يعني تقول سلمية وتروح تخرب في وزارة الداخلية يعني ايه
تقول سلميه ومتحضرة وتروح تقتحم سفارة وهيئة دبلوماسية خاصة باحدي الدول وحتى لو
كانت من الأعداء دول على الأقل ضيوف عندنا وكل الناس تقول تركيا تركيا هي تركيا لو
مش شايفة ان طرد السفير الاسرائيلي ومقاطعه اسرائيل في مصلحتها ماكنتش هتعمل كده
وبعدين تركيا لما طردت السفير كان علشان ان اسرائيل ماقدمتش اعتذار رسمي واعترضوا
على الاعتذار رغم ان تركيا هي اللى طلبت الاعتذار لكن انت يامصري اسرائيل اعتذرتلك
وطلعت بيان اعتذار رسمي يعني اسرائيل عاملتلنا ألف حساب عن تركيا وفي الأخر نقول
الدرس المستفاد من الموقف المصري والموقف التركي
الموقف التركي اسرائيل معبرتش تركيا وبناء على ذلك تم
طرد السفير الاسرائيلي وقطع العلاقات مع اسلاائيل ولم يتم اقتحام سفارة والقاء ما
بها من أوراق في الشارع تركيا اشتغلت خلت اقتصادها ال 17 عالميا
الموقف المصري الهمجي " سوري في اللفظ ""
كلنا عارفينه قلة أدب من شوية عيال سيس مفكرة ان قمة الانتصار هي اقتحام سفارة
وتقطيع ورمي ما بها من اوراق وهدم سور بشوية شواكيش ومرزبات وفي الأخر الاحترام
اللى اكتسبته مصر في خلال 18 يوم وهي عمر الثورة المجيدة راح في يوم واحد أو 18
ساعه او 18 دقيقة العالم دلوقتي شايفنا شوية همجيين ومالناش حاكم
أحب أقولكم ياجماعه على راي عمرو مصطفى ""
اتكلم واشرب ""
الثورة فشلت يارجدعااااااااااااااااااااااااااان ولا
عزاء للرجال
